Véronique Roba

Ene tchansonete

(cåzaedjes da Jacques Lefèbvre ; muzike da Véronique Roba)

Cwand sol bwès d' ene guitåre,
On leye cori ses doets,
il arive k' on s' ewaere,
K' on boket vént tot seu

Vocial ene tchansonete
Di djoye …esto (?)… radjoû
On s' sint come ene poyete
Ki vént do ponre èn oû

Ci n' est rén k' ene pitite tchansonete
Avou des ptits mots d' amon nozôtes k' ont toumé
So ene muzike ki hosse al boune frankete
Et k' n' est nén målåjheye a tchanter

E trô d' l' oraye,
Elle amousse l' air di rén;
Vola nosse vicåreye
Del coleur do pretins

C' est nén tofer åjhey
Po kî vout fé ene tchanson
Li tchansonî djéreye
Après l' inspiråcion.
Mins c' est èn ome tot-houte :
Cwite a s' råyî les tchveas,
Disk' a poirter ene moumoute,
I vout scrire si boket.

Mins cwand on-z aprind-st ene tchansonete
On trefele di djoye; on roveye tos ses histous
C' est on rai d' solo ki fwait ene clignete
Ene fleur di bouneur k' a racrexhou

La k' del djournêye,
On xhufele djoyeuzmint.
Gn a rén k' té k' ene paskeye
Po ragaiyi les djins.

Les cis ki sont halcrosses
Cwand i sont deprimés
Gruzinèt come des mosses
"Pocwè m' avoz vs cwité ?"
I n' fåt nén fé parey
Nos tchantrans vigreuzmint
Ene ahåyante paskeye
Cwite a piede nos fås dints

Ci n' est rén k' ene pitite tchansonete
Ki vs fwait potchî l' cour et k' i vs va faleur tchanter
E s' måjhone cwand on-z est ås olivetes
Et minme ås tweletes si vos voloz; (volez)

Ene tchansonete, ça fwait rire les efants
C' est bon come ene boûkete
C' est ene sacwè d' cla…, c' est ene sacwè d' cla…, c' est ene sacwè d' clapant.

----
Ricopyî e rfondou po les scoles di Bive do 7 d' octôbe 2009

----
Comintåres :
Les cis ki sont halcrosses / Cwand i sont deprimés / Gruzinèt come des mosses : "Pocwè m' avoz vs cwité ?"

si doet comprinde, motoit :

Les cis ki sont halcrosses / Cwand i sont deprimés come des mosses / Gruzinèt : "Pocwè m' avoz vs cwité ?"

Noer solo
(c’ est k’ l’ espwer n’ est nén a ctaper)

I.
Fåt croere ki l’ Bon Diu m’ a rovyî
Å moumint k’ dji dveu vey li djoû
Paski c’ est l’ nute k’ i m’ a leyî :
Ene ranse ås ouys ki poirtèt l’ doû.
Mins n’ dit-st on nén ki les måvis
E l’ noeristé d’ leus broûlés ouys
Ni dit-st on nén k’ i tchantèt mî ?
Leu solo, c’ est l’ minne, pol djoû d’ ouy.

Resploe :
Awè, dji so tot come dji so
Avou m’ veye tot come on minme-né
Et si dji tchante asteure por vos,
C’ est k’ l’ espwer n’ est nén a ctaper.

II.
Ni vs croeyoz nén pår oblidjî
Di vs fé do må ou d’ aveur pitié.
Di rén d’ çoula, dji n’ a dandjî;
Et s’ n’ a dj’ nole luçon a vs diner.
Li solo k’ vos voeyoz rglati
M’ restchåfe li cour come vos l’ esté.
E m’ nute, il est la sins cpani (?)
Divins ene cote di tinrûlisté.

Resploe
Paski dji so tot come dji so
Dji pou passer m’ veye sins frawter.
Et si dji tchante asteure por vos,
C’ est k’ l’ espwer n’ est nén a ctaper.
III.
I n’ si fåt måy discoraedjî
Minme tot vicant el noeristé.
Si les miroes n’ sont nén por mi,
Dji n’ a d’ keure di m’ loukî viker.
Baxhî les bresses n’ est nén por mi,
Adon k’ asteure, dji pou tchanter
E noer solo d’ ene blanke loumire,
Et k’ ... k’ vôrîz bén avou vos (?)

Resploe
Insi dji so tot come dji so
Et minme s’ i m’ arive di tchoûler,
Li seu messaedje ki dj’ a por vos,
C’ est k’ l’ espwer n’ est nén a ctaper.

Tchanté pa Veronike Roba, ene tchanteuse aveule, tecse (francès) da Véronique Roba, muzike da Jacques Lefèvre, ratournaedje e walon : Guy Fontaine.

tchanson studeye ås scoles di walon d' Bive li 5 di måss 2013
http://wa.wikipedia.org/wiki/Sicoles_di_rfondou_walon_d%27_Bive