Les djouweus d' cwåtes
(on a tertos ses passions)
On a tchaeke si amuzmint sol tere;
C' est ene afwaire;
Tolmonde sait bén
K' i gn a des cis ki sont pidjonisses;
Ds ôtes pinsonisses;
Ça n' nos rgåre nén.
Ci-la, c' est l' djeu d' gueyes (guîes)
Èn ôte court a pî.
Mins mi dj' inme mia l' djeu d' cwåtes;
Dji n' m' ocupe nén des ôtes;
I m' shonne k' on fwait tchaeconk a s' môde.
Resploe :
On a tertos ses passions
Mi, dj' adore el djeu d' couyon.
Fouxhe nén a …
Gn a rén k' m' imbete
Couyon par ci
On djeu d' Djilî (???)
Vive el wiss, vive el piket
El pandor u l' ecarté.
C' est dins m' nateure
Et dji vos l' djeure
C' est m'-n amuzmint
Et m' contintmint.
Å niût cwand nosse djournêye est fineye,
Po fé s' pårteye,
On s' reyunit
On est e cåbaret bén a s'-n åjhe
Eyet binåjhe
Dé ses amisses.
On s' fote di politike
D' kessions linwistikes
Les soucis les traecas
Et tos les imbaras;
On n' pout må d' sondjî a tot ça.
å resploe
El djeu d' cwåtes nos a valou pus d' ene crole
Pus d' ene tampone
Di permission.
Mins … ma cherene
Oubén Catrene
M' pitit poyon.
Mins cwand dji rintere
Si ele vocifere
Vårén, va, dji t' touwrè
Oubén dji ti stronnrè
Dji tchantrè pol consoler
On a tertos ses passions
Vnoz dé mi, m' pitit poyon
Alez m' cheriye
Fouxhoz djinteye (djintiye)
Dji djouwrè bén
Dji n' trichrè nén
Si vos preferez l' piket,
Dj' n' a-st a keure å djeu k' vos vloz
Tinoz, vla l' croye;
Markez les royes;
Mi ptit poyon;
Dji m' sin dins l' bon.
Cåzaedje : ? ; Muzike ? tchanté pa Bob Dechamps.