Respleu :
E fond di m' cour, bén catcheye, rimonte ene tchanson,
Cwand rivnèt les måvas djoûs,
Ene viye tchanson tote flåweye e nosse bon walon,
Ene air al feye vigreuse et doûce;
On respleu k' on tarlate cwand i n' a rén ki va,
Ene air sins foirt grand tralala,
Ki vos tchantrez co vite a vosse toû
Mi ptite melodeye d' amour.
I.
Cwand n' a l' tins k' toûne al disbåtche,
Tot k' c' est … bleu cir,
Ça n' sieve a rén di s' morfonde,
Des djournêyes etires.
Mi, dj' schoûte li plouve ki rixhlêye
Ki ride so les cwåreas,
Adon, come dj' a-st ene boune oraye,
C' est m' tchanson k' dj' ô e cotjhea.
II.
Cwand dj' schoûte des omes politikes,
Dji m' metreu-st a tchoûler;
Dj' elzès trove bén pus comike
S' il ont l' xhuflet côpé.
Ossu, m' arive pus d' ene feye
D' baxhî l' televuzion;
Et al plaece d' ôre totes leus biestreyes,
I m' shonne ki dj' etin m' tchanson.
III.
Si vs avoz l' cour al diloujhe,
K' n' a tot ki toûne li cou,
Sins foice divins les esprouves,
Ki vos vs sintoz pierdou,
Radmint vos rprindoz coraedje,
Si vs avoz sol costé
Ene air da vosse, on ptit messaedje,
Ki vs rindrè l' gosse di tchanter.
å respleu
Sylvain Michel, tchanté pa Pire Darras
Lun 19 Mar - 2:06