Li

Kandjî d' cougne

Tévozé, l' nwâre èt mi, on s' ridjond
On s' mougne li pia, on s 'rilètche
On s' vûde èshène, on s' cobètche
Dès eûres au lon, sins voye li fond
Sins rin à dîre... à kwè bon ?

Tant si shûvîne lès p'titès mwârts,
L’ momint a v'nu, dji n' è pou pus
Adon, mi dj' cåze, èle è vout d' pus.
Mins, rin à fé, i m' faut dischinde
Dji n' seû pu djon.ne, lî faut ratinde !
Ça lî va lon, dji seû strindu.

Dins l' timps, k’ a fini ène miète avant ayîr ?
I n' faléve nin m' ènonder, todi prèsse à prinde li pène
L' anke chuvéve à faît pou scrîre mès powèmes
Asteûre, bin trop râde, l' bordon ploye
Mi v'là dèdjà à m' assokî... l’ volà èvoye.

Tévozé, l' nwâre èt mi, on s' ridjondéve
On s' mougnéve li pia, on s' rilètchéve
Asteûre c' èst è côp d' vènt k' èle passe
Kd' on bètche dsu m' front èle rissatche mès fwaces.
Dins lès linçoûs, pus pont d' traces...

Volà, c' èst faît, d' sès pinsêyes, èle m' èface
Dji mi r'muche èt dji trèpasse.