Co ene rawete
(Julos Beaucarne; sitroete plake "Co ene rawete".)
Cwand dj' esteu efant, a tos les mariaedjes
Dins les cinses ou ça sinteut l' purea
N aveut on tchanteu, on hasse do ramaedje
K' è sketéve des beles dins s' frake a paneas.
L' acordeyoneu covreut les tatlaedjes
Avou des viyès airs a fé danser les veas.
El danse glonféve les cotes des comeres
On s' dinéve des betchs so des pas d' polca.
Mins arive on moumint k' i fåt k' on distele,
Rintrer e s' måjhon po sognî les pourceas.
Mins dvant d' s' èraler, on est la k' on pestele
Alez, m' fi ! Co ene rawete; après ça on s' erva.
Alez, m' fi ! Co ene rawete; après ça on s' erva.
L' escotich del barake des bos,
El feye do comissaire, el feye do comissaire
L' escotich del barake des bos,
El feye do comissaire avou ses gros shabots
Ça rlancive el fiesse; on boeveut co ene pinte
On mindjive del tåte å souke ki brotchive
Et berlike berloke, n aveut tote ene binde
Ki candjive di mamjhele cwand l' muzike candjive
Tos les vîs paltots divizént eshonne
Do pris des oûs, des vatches, des tchvås
Les ptits bimberlots corént so les glenes
Dins les pîs des valseus, tot crous, tot crous d' tchôd.
L' acordeyoneu fijheut s' pitit possibe
Mins ndè faleut co dpus po les djins di ç' nute la.
Et c' est co å tchanteu k' on dmandéve l' impossibe;
Alez, m' fi ! Co ene rawete; après ça on s' erva.
Alez, m' fi ! Co ene rawete; après ça on s' erva.
Djan Lariguete a maryî s' feye, zimboum, tralalala
Djan Lariguete a maryî s' feye, zimboum, tralalala
A on martchand d' aweyes sins trôs, Djan Lariguete
A on martchand d' aweyes sins trôs, Djan Lariguete, Djan Larigåd
El marieye estou dedja ndalêye sins rén dire
Ele s' elwegnive del fiesse avou s' bouket dins s' mwin
El blanke rôbe esteut ddja rployeye tot å fond d' ene valijhe
Voyaedje di noices : Dinant. Nén lon mins ddja foirt loin
Si-n ome n' aveut k' ût djoûs po fé ses racontaedjes
Pask' i n aveut d' l' ovraedje dins l' cinse pus k' i n' è fåt.
Les biesses, ça n' ratind nén, on n' pout nén fé d' voyaedjes
Do matén disk' å swer, fåt esse tot conte astok
Pindint k' ele mourmaxhive so les tchamps so les rotes,
Al cinse, l' acordeyon finixheut ene mazurca.
Nodidom, nodidom, i fåt nén k' ça s' ahote;
Alez, m' fi ! Co ene rawete; après ça on s' erva.
Alez, m' fi ! Co ene rawete; après ça on s' erva.
On djoû al nute, a cwatre eures å matén
Dj' esteu dins m' gurnî ki dj' foyive mi djårdén
Troes djambes di bos î tchåfént leus pîs
Ey èn ome tot seu divizéve-t a deus
Dins les rôzes…
Et dins les begonias …
Sol banc del såle, ene mame dinéve el tetêye
Et cwand ele s' arestéve, ès pitit kin breyeut
Boevoz, m' pitit colåd do laecea ki dj' vos dene (done)
Si vos boevoz set djoûs, on djoû, vs seroz èn ome.
Ç' côp ci, on sint k' on va frumer l' botike;
On vént d' raclawer l' ouxh sol dierin des daleus.
On rmete ès paltot, ses clakes et ses clikes;
On s' dene des ptits betchots; on boet co on côp.
On godåd pol tchimin ey èn ôte pol marieye
On dit s' rimerciymint : ké bele swerêye !
Et cwè ? On s' è va nén-z eraler so ene djambe :
Alez, m' fi ! Co ene rawete; après ça on s' erva.
Alez, m' fi ! Co ene rawete; après ça on s' erva.
Tins d' eraler, tins d' eraler
Vos savoz bén k' les mames sont droles !
Tins d' eraler, tins d' eraler
N' avans pus d' liårds a dispinser !
Tins d' eraler, tins d' eraler
Vos savoz bén k' les mames sont droles !
Tins d' eraler, tins d' eraler
N' avans pus d' liårds a dispinser !
----
Ricopyî e rfondou po les scoles di Bive do 13 d' octôbe 2009
Mar 20 Oct - 3:31