Les olyènes
Ene grande anvancîe pou Bîve !
Il aurè falu 7 ans pou vèy (fin may 2010), ou Pont Mack, al vîe vôye du Bîve, 7 olyènes, comme quand on tume su la foye du laurier et qu’ on nn’ è co pou 7 ans pou s’marier.
Dju m’ rafiye djà d’ les vèy tourner, tourner en plein vent sul duzeu du viadje.
L’électricité qui rèchrait n’irè nin dins les måjons, mê ou Moncê, al grosse cabine.
Pou monner l’ courant bin paujurmint, il è falu ène tranchée du 8 kilomètes et ène cabine-relais, pou rlançî l’énergie, k’ i djat.
Oh ! dju sans chapés… pou l’ rèchaufment climatique. Tous les Bîvîs ont sté d’accord, sauf ène voix, passe qu’elle est allergique.
Pou l’ moumint, vous n’ wèyèz qu’ des trôs du 2,50 m. du profondeur et 17,50 mètes du lautje
Les pales sront co pu grandes que des êles d’avion.
Ça fwait qu’ tout l’ monde est contint, surtout les propriétaires : ène grosse location, 20 ans au long.
Nous vlà bin haurdés pa ces grands ojês plantés coume des sentinelles qu’ on n’ au nin.
(pol Rantoele 52, ivier 2009-2010)
Lun 7 Déc - 10:13