http://wa.wikipedia.org/wiki/C._Thonet
M' pa a pris condjî pou l' intèr'mint a Tôr, i nos-a rabiyî avû nos loques dou dimince. Il-a coûpè lès pus bèles rôses, fok dès roûdjes, c'èst qu' èl Tôr, il-ît sôcialisse, i n'âra pont d' mèsse, rî qu' dèl musique, djusqu' a tant qu' is l' mètront dèvins l' tère a pètotes.
Dji sû binése què nos n' dalons nî a mèsse : i n'a qu' dès minteûs a l' églîje. D'ayeûr il-âroût in bon Dieu, è bî l' Tôr, i n's'roût nî moûrt, i stoût co bon a fé dès mas, èl Tôr.
Lundi ârin' stè a scole éyèt d' âroû potète stè l' champion dou monde dès djuweûs al toke dèl comeune dè Manâdje. I d-âroût yeû yun d' rabind'lâdje dèvins l' coûr dè l'èscole. Mi, Gus, èl browér' dèl quatième anéye, mi, l' champion dou monde éyèt Milo asto d' mi pou t'ni lès mas dèvins in sa in pia d' fwan.
Qué fièrtè pou Milo, tèni lès mas dou cham¬pion dou monde, yèsse èm n-ome dè coupe, yèsse asto du pus grand djuweû a mas dè tous lès tans, l'co dou vilâdje : « Aléz lès pouyes, in rangs par deûs !... » A, a, lès couméres, va d' avoû dou dalâdje !...
Mès-îs s' imbrouy'tè, dji r'wéte Milo, il-a s' tièsse bachéye. D' intind Mârîye qui r'nifèle ès' nèz. Mès parints sont asto d' mi avû leûs rôses. Il-a 'ne masse dè djins. I fét bon mès... qué fayè djoû !... D'é pris dès vis mas pou mète dins l' trô, pou r'mèrcyi Tôr pou m' nouvia sa a mas.
Divins "Sa a mas" (saetch ås mas)
9 € amon pierre.bragard@hotmail.com
Jeu 10 Déc - 9:16