Les mots då vî pa da Felicyin
http://wa.wikipedia.org/wiki/Les_mots_d%C3%A5_v%C3%AE_pa_da_Felicyin_%28lives%29
(wice ki ces bokets cial sont rmetous e rfondou)
Al câriêre, gn'aveut pus pont d' besogne dispûs lontins. On-aveut sèrè l' boutique èyèt lès-âbes avît r'nouv'lè l's-ouvrîs.''
I-gn-aveut dès ramp'roules qu'avît v'nu s'ètôrtiyî dins lès couches pou fé come in grand stwèlî plin d' foûyes. Lès tchansons dès mouchons avît r'nouv'lè ètou l' rambouchâdje dès machines. Èl grand cirque avou s' twèt ô lôdje aveut d'vènu ène place mistérieûse qui lès-èfants du vilâdje lomît « la jungle ».
Félicyin, i djouweut vol'tî dins « la jungle ». In bia djoû qui s' pourmwin.neut lôvô, il-a discouvru ène afêre nuzome. I n'aveut jamés vèyu ène saqwè di ç' cougne la. Adon, i s'a dit qui faleut tout d' chûte moustrér ça ô messe di scole. Ré qu'a sondjî qu'il-aveut sbarér ses camarades, Félicyin èsteut tout-èfoufyi.
(ratourné pa Jean-Luc Fauconnier)
(...)
- I gn-a d's-afaîres qui sont mârquéyes dissus ! ''
Li Rwè èt l' Rin.ne ont mûseliné sins brût mins on vèyeut bin qui n'èstin.n´ n' nin d'acôrd surtout quand Mossieû Aimable a aband'né li lèçon po r'waîtî l' trovaye.
C'èsteut one drole di pire dè l' grocheû d'on pavè. Li lère l'aveut crèné au d'dilong dès siékes quétefîye. Mins pad'zo lès kèrnaches, on vèyeut dès p'tits royons qui chonin.n´ awè stî faîts pa one mwin d'ome.
(ratourné pa Henry Matterne)
- On pout-esse sûr qui l' ci qu'a roté avou ç' solé la n'èl vinrè pus r'clamer, aveût hah'lé l' vî Cipriyin la qui Philibert el mètéve â djoû.
Li mêsse fièstîve ses scolîs so l' dreûte sipale tot côp qu'aminît on novê trézôr: i toûrnéve li lèçon so çou qu'on lî aminéve.
Li Rwè èt l' Royinne, qui l' convôye dès novés bins tinéve èn-alèdje, ni fît pus dès gros-oûy qwand lès lèçons alit foû guides. I cakît dès mins di leû pus reû èt fît hossî lès clâs qu'èlzès clawît 5 meûr. Tot aléve po on mîs !
(ratourné pa Jacques Henrotte)
Sam 6 Fév - 6:04