Bruno Picard

Mi binamêye, al boune anêye

Mi binamêye,
al boune anêye
A corou evoye
sins k' dji nel såye.
Fåt do coraedje
po s' mete e manaedje
Les femes d' asteure
ni dnèt pus leu cour (keur)

Ni croeyoz nén
ki dji vs ratin.
Ene vicåreye,
ci n' est nén ene veye
Çou k' dji vs a dné
di m' foice d' inmer
Dj' a seré m'-n ouxh (uch),
vos nd åroz puch.

Ça m' riplait bén
D' vey passer l' tins
Sins k' evoye dji n' cour
Foû d' vos mwais toûs (toûrs)
Våt mî tot seu
k' l' infier a deus
Nosse vicåreye,
ç' n' esteut nén ene veye.

Mi ptite måjhon,
mes ptits cassons,
c' esteut por mi
on paradis
Mins cwand dj' î tuze,
ké niche cambuze
Cwand vs î moennîz
vos ahoûlreyes (ahoûlrîyes).

Vos vlîz sayî (sayer)
minme di m' touwer
Mi dj' end a d' keure (kère)
di vs vey dizo tere
Ni rovyîz nén l' djoû å matén
cwand vos m' mostrîz
l' coutea d' botchî

Vs n' av ki fé (vs n' ôz k' fé) d' rivni (ruvnu);
dji n' vos vou pus
Vos ploz tchoûler
A vs î neyî
Dji croe k' les poyes (pouyes)
Et les gurnouyes
Åront des dints
cwand dji vs rinmrè bén.

K' i plouve k' i bijhe,
i fåt k' vos vnîxhe
Sol soû di m'-n ouxh (uch)
djouwer l' otruche
Vos m' inmrîz co ?
Vos m' vôrîz co ?
Vos n' boerlêyroz (bwâlrez) pus ?
Vos n' broyroz pus ?

C' est l' vraiy k' on s' inme
Intrez cwand minme
N' avoz vs nén fwin
La ene crosse di pwin
Dj' a yeu des rmoirs
après vosse coir
Sayîz mes bresse (brès)
po ctchessî l' froed (2 côps)

Cåzaedjes : Lucyin Mahin tchanté pa Bruno Picard, GP del tchanson walone 1986.