L' Auvergnat
Redjårbaedje da Julos Beaucarne
Modêye avou l' accint des Scåssenes
Merci brinmint des coûps...
I.
Merci brinmint des coûps, Flamind / D' Ingui poul bouket d' bos pou rîn / Ki tot intîr m' a restchaufé / Kind dj' aveu froûd dins mes solés. / « Vinez dlé l' estûve, k' avoz dit . / Ene djate di cafè ? Nd a co bîn » / Kind les crachoulets pichoulits / M' avînt clawé l' uch dzo les îs. / Bén cheur, cè n' astout nîn brin.mint / Mins dj' astou binêje tout inddins / Odjourdu, djè pinse co toudi / A ç' pètit bouket d' paradis. / Flamind d' Ingui, oy, kind vos frez / El cutrumia; orvwêr daler, / Vos direz fel / Come ène mamzèle / Au Pére éternel. /
II.
Merci brinmint des coûps, coumére / Poul bouket d' pwin yèt l' pètit vêre / Ki tout intîr m' a r’mis d' asto / Kind djè flotou dèvins m' paltot / Kind les crachoulets pichoulits / Les malêjîles, les bîn rimplis / Cras d' s' impanchner dèsk' au goyî / Riyîn’të d' èm vir dèsbautchî. / Coumére, kind i vos fâra fé / El cutrumia; orvwêr daler, / ...
III.
Merci brinmint des coûps, ptit fi, / A vos, ptit djonne di barakî / A vos ki a dvènu tout drole / Kind l' champète m' a mis dins ‘ne gayole. / Kind les crachoulets pichoulits / Dijîn’të djusse po m' espotchî, / Arlicotant leu ragaguète / Avou des airs di pun d' coupète. / Barakî, kind vos fâra fé ...
Sourdant : Li Rantoele Belès Letes l° 9 (esté 2010)
*****************
rimetou e rfondou.
Merci bråmint des côps
I.
Merci bråmint des côps, Flamind
D' Inguî pol boket d' bos po rén
Ki tot etir m' a restchåfé
Cwand dj' aveu froed dins mes solés
Vinoz dlé l' estouve k' avoz dit
Ene djate di cafè, nd a co bén
Cwand les cråxhoulet pixhelét
M' avént cloyou l' ouxh d(i)zo les iys
Bén seur ça n'esteut nén bråmint
Mins dj' esteu binåjhe tot in ddins
Ådjourdu dji pinse co todi
A ç' pitit boket d' paradis
Flamind d' Inguî, way, cwand vos frez
El coutrumea, årvey daler
Vos diroz fele
Come ene mamjhele
Å Pere Eternel
II.
Merci bråmint des côps comere
Pol boket d' pwin yet l' pitit vere
Ki tot etir m' a rmis d' astok
Cwand dji flotéve divins m' paltot
Cwand les cråxhoulet pixhelét
Les målåjheys, les bén rimplis
Scrans d' s' impansner disk' å goyî
Riyént tot d' èm vir disbåtchî
Bén seur ça n'esteut nén bråmint
Mins dj' esteu binåjhe tot eddins
Ådjourdu dji pinse co todi
A ç' pitit boket d' paradis
Comere cwand î vos fårè fé
El coutrumea, årey daler
Vos diroz fele,
Come ene mamjhele
Å Pere Eternel
III.
Merci bråmint des côps, ptit fi
A vos, ptit djonne di barakî
A vos, ki a divnou tot drole
Cwand l' tchampete m' a mis dins ene gayole;
Cwand les cråxhoulet pixhelét
Dijhént tot djusse po m' espotchî,
Arlicotant leus ragaguetes
Avou des airs di pun d' copete.
Bén seur ça n'esteut nén bråmint
Mins dj' esteu binåjhe tot eddins.
Ådjourdu dji pinse co todi
A ç' pitit boket d' paradis.
Barakî cwand vos fårè fé
El coutrumea, årvey daler,
Vos diroz fel
Come ene mamjhele
Å Pere Eternel
Dim 6 Juin - 6:18