El Festivå Esperanzah!

Adon, vola, come dj' endè dvize a tot l' monde, dji l' va fé droci eto !

Les 4, 5 eyet 6 d' awousse, dj' a stî a Florefe (dlé Nameur) al Festivå Esperanzah! (K' on lome "Espé" inte nos ôtes). Come pou les ôtes festivå, gn a do muzeke pattavå (gn a deûs grandès sinnes) avou des groupes di "World music" (Muzeke del daegn etîr) souvint nén bén cnixhou do "grand public", mins kî font do fel fel muzeke (Souvint do Ska, do Reggae, ene miete do rock, etc. Avou des groupes come Saule et les Pleureurs, Dub Incorporation, Camping Sauvach, Marcel et son orchestre, etc.).

Ç' kî est diefrind des ôtes festivå, c' est k' tot est bazé dzeu l' commerce équitable. Drola, vos candjoz vos liârds pou des "Crédals" (1 crédal = ene miete moins' d' 1 €).
Avou ces crédals, vos ploz achter a boere, mins pont d' Coca-Cola, di Danone, o des sacwès insi. Rén k' des ekitabes produts. (Mais y a de la bièèèèère, les gars !).

Et c' est l' minme pou tot c' k' on pout î mougnî ! Et c' est foirt bon : des aziatikès sacwès (come des nems, des rouleaux de printemps, etc.), des pitas, des bananes plantins, etc.

Et pou l' espérience, i fåt sayî l' camping avou des camas, c' est l' pus fel sacwè del festivå