Arille Wasterlain

Aû tamps dès nazis.

Paroles èyé musique d'Arille Wasterlain.

Quand l’ Furer din sès fèrdènes
A lancî s’ clique itlériène
Su no p'tit payis
Sans minme nos d'advèrti
Dèvant sès machines de guère
Qui rabourin’tè no tère
Nos vayants soudârts
Ont yeû rade fé leû pârt
In v'yant l'basâr en dèroute
I d'soût qu'avant l'anéye woute
Leû compte sèroût réglé.
Avû toutes leûs vièyès patrakes
Is n's'ront jamé mete ôbèstakes
A l'avance dès mès motorisès.

Refrain.
Yè come il l'avoût prédit
Lès francès n'ont ni-n seû t’ni
Il-ont si bi-n yeû l'pèpète
Qu'is s'incourint'au pu rète
Pus moyî d'savoû lès rastènis
Lès anglais bi-n stoumatchîs
Cachin'tè place pou skiyî
In d'sant : « I n'a pon d'avance
Pindant qu'is s'amus't'in France
I faût rad'mint cachî d'rimbarquî. »

II couplet.
Quand l'iviér a stè d'aléye
Itlèr a vu sès arméyes
Blokî pa n'flache d'iaû
Et d'morè fin pènaûd
Pour li r'couminchî l'bataye
I faloût dou ravitaye
Pac' que s'guère èclér
It nouyéye din la mer
Poursûvant sès afrontrîyes
Il a stè pîyî l'Russie
Pinsant bî-n drola
I rimplîroût s' tchèna
Mais seûl'mint dévant Stalingrâde
Quand il a criyî « Camarâde ! »
Il a l'yî l'pus bèle plome dè s'tchapia !

Refrain.

Yè dèspûs pa tous costès
II a toudi stè r'foulè
On l'l'a rincachî d'Afrique
In Cicil il a yeû n'trique
Què l'z'Italiens d'ont capitulè ;
Pou li doner l'dernî-n coûp
On l'bobardoût nût' et djoû
Pour li moustrer qu'l’itlérisme
Aroût l'minme sôrt que l'fachisme
On a fé l'conférence dè Moscoû.

III couplet.

Trouvant l'saûce in p'tit coûp rance
I comptait su l'« providence »
Pinsant qu'aû Nièpèr
On téroût « foi d'Itlèr »
Pou rincouradji sès omes
I dsoût quel « bataye de Rome
Pou lès-aliès
Dèmer'roût sans succès »
Mais l'Niepèr, Rome yè tout l’rèsse
On ste r'pris maûgrè s'fèlèsse ;
El dèbarquèmint
A mis l'broûye din sès djins ;
Bousculè in Belgique in France
Quoi qu'i t'noût l'Olande à outrance
Il a ste r'cachî dusqu'à d'ssu l'Rhin

Refrain.

Ey à l'Est pindant c'temps là
Lès Russes d'alin't'à grands pas
Faisant plouyî l'Roumanîye
La Finlande yè l'Bulgarîye
Destrûjant « l'axe » morcha pa morcha
Staline courait su Berlin
Pou r'jointe lès Américains
Yè l's'aliyès pa tricléyes
In f’sant pèrcéye su pèrcéye
Ont fé capituler lès germains !

divins : El Mouchon d'aunia, djanvî 1946