Minuit borain

Minuit Borain
(Sur l’air du Minuit Chrétien)

Minuit Borégnes, ascoutez l’grande nouvèle
C’t’ée infant Dié qui desquind de qu’à nous.
Pou efacer nos fautes in ribambèle
Eyé que s’Pée, du passé, oublise tout.
El monde intier triane d’esperance
In atindant l’arivée du Sauveur.
Peupe à djinous, attinds el’ delivrance
Noée – Noée, arive el’ rédempteur (bis)

Leyons là tout et dins nou foi ardente
Courons abie dequ’à l’berche de l’Infant.
Come dins l’passé ène étoile fô luisante
Qu’a amin-né les chefs de l’Orient.
Mais l’Infant-Dié ès dins ène petit’ crèche
Les toiles d’argnies sont là à mode de fleurs
De n’pôve estaule, c’ès de d’là qui nous prèche
Grands et puissants, abachez vou grandeur (Bis)

L’infant qu’èn v’nu a brisié les intraves
El’ terre ès libe éyé l’ciel grand ouvrit.
I voit voltié les pôves et les esclaves
S’n’amour s’estind de qu’à ses pies en’mis.
Il a bié droit à nou recounichance
C’ès pou nous autes qu’il ès v’nu pou soufri.
Mais pou l’momint, cantons nou delivrance
Noé - Noée, disons li nou merci. (Bis)

Fernand DUFRASNE : décembre 20