Bondjou à turtos

Dji so d'Lîdje,mins dji d'meûre è l'ardène!! di qwè pout-on djåser???

Li gazète li "Rantoele" vike t elle co todis????
Li dèrin n° èst di meûs di décimbe ??? èt dispoy pu rin.

Disqua pus tård

Bondjou,Vos n'èstez nin fwèrt po djåser !!!!

Li Rantoele vike co...I v'nèt d'fé li dèrin n°70...(tins mî..i fat èsse corèdjeûs po fé eune gazète è walon)avou lès tins qu'on vikèt...

> fat èsse corèdjeûs po fé eune gazète è walon) avou lès tins qu'on vikèt...

Oyi, mins cwand on voet voltî, on a tot l' coraedje k' i fåt.

Gn a 5900 lingaedjes (so les 6000 co vicants pol djoû d' ouy) ki vont disparexhe dins les 100 ans ki vnèt. Li  walon serè dandjreus dins l' batchêye. A moens ki..., tertos eshonne (les waloneus et les ôtes djins del Walonreye...). Dijhans todi kécfeye ...

Si vos av do tins po lére, totes les årtchives del Rantoele sont aberwetåves [téléchargeables] cial :
http://lirantoele.walon.org/aurtchives/

Sacwant documints (libes di rcopiaedje) :
https://commons.wikimedia.org/wiki/Category:Li_Rantoele-gazete

bondjou camaråde,

dji n'sé nin si d'årè l'tins d'lére totes lès årtchives,
por mi li r'fondou c'èst målåhèye ,mins tos lès walons d'vèt s' comprinde,adon dji va sayî d'fé l'"max".

Qwand dj'èsteu sôdard on èsteût tos mahî, èt turtos , on s'comprindéve.(i fat co fé parèye)

Disqu'a pus tård adon

bondjou,

Dj'a lé lès n°70 ét 69 ,dj'a pris l'abon'mint. Bone gazète.

Bramint d'bones "infos"C'èst bramint d'ovrèdjeS, bravo po lès scriyeûs et tos lès cis qui prindèt pårt.

Bén binåjhe ki ça vos plait. On eplaidrè (= publiyrè) voste idêye sol 71 dins l' coirnêye (rubrike) "Letes des ciberrôbaleus".

Diewåde !

Gn a nén yeu k' des binåjhes å lére del Rantoele 70 :

http://berdelaedje.walon.org/viewtopic.php?t=1770

Bin mi dji so binåhe del Rantoele 70, on pout fé çou qu'on vou on-z-èst todis blåmer !!!!

èt po l'ucraine dji so d'acwèrd avou l'årtike....bravo

Si vos vloz scrire ene pitite sacwè pol 71, vocial li dvant-pordjet (mins ki pout esse tot ctchandjî, s' i fåt).

Eternåcionå : Oucrinne : Maigret et l’ prezidint (Pablo Sarachaga)
Istwere / ådjourdusté : Pogrom a Rhaza (L. Mahin)
Walonreye : Les Molons vont i bénrade djåzer fok li francès ? (onk do Payis condruze ?)
Spôrts : El cope do monde e Braezi (J. Goffart)
Rilomés viziteus del Walonreye : Kurt Suckert Malaparte (Emile Pècheur)
? (Georges Sfasie)
Tourisse : Åxhe, mwaisse veye da Tchårlumagne (Manfred Lejoly)
Medcene : Li trop d’ idjinne n’ est nén bon (Mady D’Orchimont)
Nateure : Tchampions des bwès : li nôbe et l’ amer boloe
BD Totlravi (4)
Belès Letes e walon :
* Les Mondju (Jacques Desmet)
* Li pa do tenismane (2) (L. Mahin)
* Li molén d’ Djerpene (Jean Goffart)
Les moléns divins l’ tins (2) (Louis Baijot)
Vî live e walon : L’ afwaire des Houlpeas (Jean Bosly)
Noveas lives e walon : Sovnances da Louwis Rmåke
Scrijheus e walon : Stadje di Få-les-Tombes (Joëlle Spierkel)
On lét co l’ Rantoele : Reyaccions å lére del Rantoele 70 (Proficiate del Blawete, Oucrinne, Papî so Piron)
Rôze carnet : Jeanne Hendschel,  Francisco Werner

papîs a-z avoyî divant l' 25 d' awousse a lucyin53@gmail.com

bondjou,

Dji n'sé nin si dji pôrè mète in-årtike d'vins vosse gazète,
Mi çi sèreût pus rade po raconter dès "crakes"..po rîre

Dji vins d'fé on "blog" po rassonler quékès dåtes èt "infos"

dj'a pris les infos "d'vins l'rantoele -li chwès-èt cocorico-

c'èst chal: http://li-blawete.blog4ever.com/

vos m'direz vosse avis !!

come nos-avans dit,don !

Christian Thirion (li blawète)