Lès Grands-Aubes.
One fauve di SARAH V. rimètûwe è walon d'après Nameur èt avaur-la1 pa Joëlle Spierkel, li curieûse agasse
Dèssins : Stibane. Éd : Noir Dessin.
Mômô è-st-on djon.ne di spirou, i n’ si sét èdwârmu. I uke si popa po qu'i lî vègne raconter l' fauve qu'il inme li mia. C'èst l' fauve dès grands-aubes èwou ç' qui s' popa èt s' moman ont viké dès-anéyes au long, jusqu'au djoû qu’on monsse d'aci a v'nu tot spotchî su s’ passadje.
Au mitan d' l'iviêr, totes lès bièsses do grand bwès ont lèyî là leûs nids, leûs tchabotes, leûs traus ...èt cachî après one ôte place po s' mète è cwète.
Lès pôvès bièsses s’ont d’né on côp d’ mwin n-on l'ôte èt fé paurt di fréres...
Qui ç ’ fuche lès racènes d’on-aube, lès racènes d’one djin, lès racènes d’one bièsse, lès racènes d’on lingadje, i nos-è faut awè bin sogne èt, qu’èle vègnenuche di d’ ci ou d’ ôte paut, cès racènes-la, èle mèritenut l’ rèspèt ! Por mi, c'èst l' mèssadje è racoûti do lîve : « Lès Grands-Aubes ».
Mar 16 Déc - 3:33