Li walon d\'èmon nos-ôtes
Vous souhaitez réagir à ce message ? Créez un compte en quelques clics ou connectez-vous pour continuer.
Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailRechercherS'enregistrerConnexion
-17%
Le deal à ne pas rater :
Grosse promo sur PC Portable Gamer – LENOVO Legion 5 15ACH6H – ...
999 € 1199 €
Voir le deal

 

 Jacky Lodomez

Aller en bas 
AuteurMessage
lucyin




Masculin Nombre de messages : 646
Age : 67
Localisation : Sidi Smayl Marok
Date d'inscription : 01/08/2006

Jacky Lodomez Empty
MessageSujet: Jacky Lodomez   Jacky Lodomez Icon_minitimeMar 16 Déc - 12:43

Lès martchîs du Noyé

Tot-avâ lès martchîs qu' on tint èzès viyèdjes
On pôk du tos costés so lès trèvins d' Noyé
Volèt co mèye odeûrs qui fièstihèt vosse né
Avou, ridant o l'êr, one muzike qui bêrcéye

Voyèdjeûr étrandjîr ou né-natif dol vèye
Ou méme lu djône famile ruv'ni po l'ocâzion,
Pormineûr atiré par lu bé d' nos valons,
Masse du djinns ètonés
Qui rote c'à l' fî sins vèy
Avâ l'martchî d' Noyé

Vo-n-ci p'on çantime do tchôd vin à l' kènèle,
Des tchandèles du cire, loukoz comme èles sont bêles !
Dès rapés crompîres d'après lu vraie rucète,
Dol tripe ou do lèv'go ?

Vo-n-ci dès sudjèts, vunant dreût dol Provance,
Là dès crèches garnis avou l' Bon Dju è s' banse,
Dès guirlandes d'ârdjint,
Dès boules ruglatihantes po gârni lès sapins.

Et duzeu tôt çoulà,
Su mèlèt tos les djârgons,
Avou nos bon vî walon
Qu'on djâze avâ-volà.

Et on veut tot-â long dès martchîs d'â Noyé
Dès-èfants qui riyèt, dès-ûs qui s' rafiyèt
Du vèy tant du bêtés, du doûceûr, du clarté,
Sohètant dèdja èsse
E plin mitant dol fièsse.
On dîreut par mirâke quu l' timps vout s'arèter,
Qu'on-z-âhe lu fwa à Dju ou à l'umânité,
On-z-a mèzâhe du pâye so lès trèvins d' Noyé.

Vo-n-ci p'on çantime do tchôd vin à l'kènèle,
Des tchandèles du cire, loukoz comme èles sont bêles !
Dès rapés crompîres d'après lu vraie rucète,
Dol tripe ou do lèv 'go ?

Vo-n-ci dès sudjèts, vunant dreût dol Provance,
Là dès crèches garnis avou l' Bon Dju è s' banse,
Dès guirlandes d'ârdjint,
Dès boules ruglatihantes po gârni lès sapins.

Et duzeu tôt çoulà,
Su mèlèt tos les djârgons,
Avou nosse bon vî walon
Qu'on djâze avâ volà.
Criyé :
V'noz saw'rer mes boûkètes !
Dol sâcisse èfoumé !
Do froumadje po s' sâver !
Houtoz m' novê CéDé

Musique : Les marchés de Provence, Gilbert Becaud.
Adaptation wallonne : Fré Loûrson / Jacky Lodomez
Revenir en haut Aller en bas
http://aberteke.org
 
Jacky Lodomez
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers:  
Ne ratez plus aucun deal !
Abonnez-vous pour recevoir par notification une sélection des meilleurs deals chaque jour.
IgnorerAutoriser