Dji n' pou nin arètè m' saye su Lucyin Mahin sins scrîre one miète è walon. I n' mank'reut pus k' ça après les tusadjes k' i nos-a dit : "on-ovradje sul walon dut ièsse sicrît è walon!"
Vos savoz bin ki dji n' su nin à m' auje ca mes scridjadjes ni s'ront nin è r'fondu mais boutans todi, nos vièrans bin après.
Dj'é ieu do plaiji a rèscontrè nosse-t-ome èt a l' choutè esplikè les pondants èt les djondants di s't ègadjmint dins l' walon. Dji veu voltî l' fwace è l' volontè k' i mèt po l' fè vikè : ses lives, ses cours, l'ovradje su internet' po l' wiccionaire, les vidéyos... Dj'é compris k'il a dins s' tièsse one machine tot-ènondéye ki paute do walon po trèvaurtchi tot ç' k' i sait : les ratournûres d'avaur ci come les problin.mes d'avaur la. Li walon li mwin.ne su les vôyes dol linguistique, do folklore, dol botanique...Les bièsses, les aubes, les fleûrs è les djints d'èmon nos-autes sont todi avou li min.me au Maroc, dj'é l'idéye!
Mins i n' si rèclôt nin dins si p'tit corti, i douve ses ouys a des-autes payis come l'Ukrin.ne. I n'est nin on-ome d'èyir ca i n' vike nin tot r'wétant à l'aurvière : i fét è walon ci k'on saye dins tos les romans : mwinrnè èchone li viye inventéye des maîsses personadjes è l'istware do payis ou ç' k' i vik'nut avou l' ton è les mots d'on lingaedje ki s' cause min.me cwand il est scrît.
Saîs' bin cwè ? Dj'é sti prije dins l'movmint dol sipoule di "Vera" come pa les tassons, les fleûrs du tounware et l'leup aus ropètes d'« Ene bauke su les bwès d' l'Ardène ».
A l' fin des fin, gn a trwès-idéyes ki m'chon'nut bin v'nuwes :
Po fè vikè on lingaedje, i faut l'cauzè è l' sicrîre.
Po fè vikè on lingaedje, i faut s'astokè l'onk l'aute pu rate ki di s' discopessyi po des bièstriyes.
Po fè vikè on lingaedje, i faut prinde totes les bonès-idéyes qu'on pout trouvè è totes les bones volontès k'on rèskonture.
Merci a Lucyin Mahin po l'timps passè, po les lives ricis, po les biscwits, po l'chije ki m'a bramint apris.
----
Pauline Degroot, Rencontre et retour sur la production d’un auteur wallon aujourd’hui : Lucien Mahin, ovraedje pol cours di literateure walone, UCL, 2015
Mar 26 Mai - 4:42