I gn a waire, dj' a rwetî "Las Vegas Parano", on film ki s' passe el anêye 1971. Pacô, on-z etind do fêl muzeke ké dji n' cnixheut nén. Dj' a rwêtî dzeu tote el daegntoele, mins dj' a trovou : c' est do sikedelic rock ! El groupe k' on-z etindeut, c' asteut Jefferson Airplane, avou deûs tchansons : White Rabbit eyet Somebody to Love.
Ci stile d' muzeke a veyou l' djoû azès Stats-Unis å mitan des anêyes 60, cwand l' LSD (ene drôgue hôtmint alucinodjene) plouveut dzeu c' payis. Les djins fjhént do rock, mins l' influince des drôgues a rindou c' rock pus "sikedelik" (pus lent, des morceas pus longous, rite pus simpe, tot pou-z avoer des alucinåcion...).
Ça rprezinte bén l' imådje k' on-z a d' ces anêyes la. Cwand on l' tchoûte, on s' sint bén. On-z a evie d' dire å monde k' on l' voet voltî... C' est tot l' "flower power"
Mins c' est eto 'ne muzeke "contestataire", ki s' pout revolter sconte les indjustices k' i gn a pattavå l' monde.
C' est l' sôre d' muzeke k' asteut djoweye a Woodstock è 69.
Vos ploz tchoûter des estraits del muzeke da Jefferson Airplane droci, tot clitchant dzeu les tites des tchansons...
Lijhoz toudi çk' èn dis Wikipedia : è francès, o è-n inglès
Ven 8 Déc - 3:53