Mi novia payis

Vola, pu lès cias qu'on candjenut di payis qui l'payis walon, vinèz nos è causer..
Pouqwè avèz candji? Pou combén di timps? Est-ce qui vos vos pléjèz rola ètou?
Li conversâtion èst drouvue..à vos di rimpli avou des messâdges!

Cråne idêye ki vos avoz la yeu, vos, Gwenayele, di drovi èç fyi cial.

Mi, ça fwait cåzu trinte ans ki dji so foû payis, 3000 km lon.

Mins dji dmeure co èn on viyaedje: i s' lome Sidi Smayil.

Droci, on vént di fé l' awousse des dinrêyes. Dj' ô bén k' on-z est a pô près 3 moes a l' avance sol Walonreye.

Cwand on cinsî a yeu batou ses frumints, i doet dner li "déme" po les pôves. Ça vout dire 1/10inme des saetchs di frumint. I les pårtixh e ptitès saetcheyes d' a pô près ene cwåte u deus (on cwårt a on dmey sitî).

http://wa.wikipedia.org/wiki/Sit%C3%AE

=> 5 a 10 kg.

Cwand dji di : i doet, ci n' est k' on dvwer rilidjeus. Les crantchous (rapias) nel fwaiynut nén. Mins c' est foirt må veyou.

Dins l' payis ki dj' so, c' et des raiwêyès teres (terres irriguées). Adon, i fåt payî l' aiwe k' on-z a raiwé les dinrêyes. Dabôrd, on n' dene kel mitan del déme des ôtès erûlès teres (1/20inme di l' awousse, dabôrd).

Nondidjo : Dji m' va mete ces dnêyes cial sol Wiki.

http://wa.wikipedia.org/wiki/D%C3%A9me_des_dinr%C3%AAyes

Des djins ki polèt scrire ene miete e walon et ki sont foû payis :

Jean-Philippe Legrand : å Portugal dispu 2 ans : emile : aster@dessindepresse.com

André Dumoulin : e Panama dispu ddja ene hapêye :
agdumoul@yahoo.com

Evoyîz lzî èn emile !

merci bran.mint pu l's adrèsses..dji m'va lyeu scrîre in pti messâdge.. dji seus contène qui vos avèz mètu ène saqwè dissus vosse novèle vikériye..
merci bran.mint!

Boudjou mes djins.

Më djë dmère co pë lon: au Brésil (Braezi com ë dijnët è r'fondë). Po l'momint djë n'a waire de timps po scrire é po assayi de scrire come ë faut. Trop d'ovradje! (ça vaut mia don, pace qu'ë faut bén vëker).
Quand dj'arè one miète de pës d'timps djë scrirè d'pës, po esplëker comint c'kë c'èst par cë.

Bondjoû à turtos!

Bin ûreûs d'vèye ku nos-èstans sacwante duvins dès payis difèrints à scrîre vol'tî è-n-on spitant linguèdje, unike so l'tére : lu walon!

Sâyans du n'nin l'piède ou bin l'kumahi avou l'portuguès (do Brézil ou bin d'avâ volà) ou l'marokin!

Adjoûrd'u, i fêt pètant mins dj'deûs d'mori rèssèrré ca dj'a d'l'ovrèdje. Là ku m'crapôde è-st-èvoye à l'ovrèdje, dju wâde lu mâhon come on bon tchin.

Alès, dusk'à !
(qué corèdjeû, valèt Lucyin! Il boute tos costés! Dju vôreû èsse à si âhe po s'crîre!)

Djan-Flipe

madnho a écrit:

Boudjou mes djins.
Më djë dmère co pë lon: au Brésil (Braezi com ë dijnët è r'fondë). Po l'momint djë n'a waire de timps po scrire é po assayi de scrire come ë faut. Trop d'ovradje! (ça vaut mia don, pace qu'ë faut bén vëker).
Quand dj'arè one miète de pës d'timps djë scrirè d'pës, po esplëker comint c'kë c'èst par cë.

Tinoz, si vos avoz ene miete di tins divant l' 1î d' awousse, vos nos ploz scrire ene sacwè (avou l' accint do Roman Payis), a môde di papî d' gazete (di djournalisse, dabôrd) sol Braezi, u so vosse mestî, u tolminme cwè. On l' metrè dins l' Rantoele-gazete.

http://wa.wikipedia.org/wiki/Li_Rantoele_%28gazete%29

Vocial li dierin l°, aberwetåve po rén po les djins di ci forom ci.

http://chanae.walon.org/~lucyin/lirantoele/Rantoele42_etire.pdf

Djan-Flipe a écrit:

Bondjoû à turtos!

Bin ûreûs d'vèye ku nos-èstans sacwante duvins dès payis difèrints à scrîre vol'tî è-n-on spitant linguèdje, unike so l'tére : lu walon!

Sâyans du n'nin l'piède ou bin l'kumahi avou l'portuguès (do Brézil ou bin d'avâ volà) ou l'marokin!

Adjoûrd'u, i fêt pètant mins dj'deûs d'mori rèssèrré ca dj'a d'l'ovrèdje. Là ku m'crapôde è-st-èvoye à l'ovrèdje, dju wâde lu mâhon come on bon tchin.

Djan-Flipe

Djusse po vos dire k' on vént do fé l' årtike Wiki so "Wene" :

http://wa.wikipedia.org/wiki/Wene

Si vos avoz des fotos do viyaedje, metoz lzès direk so les Cmons media do Wiki :

http://commons.wikimedia.org/wiki/

Adonpwis, direk sol pådje walone, avou l' formule :

[[Image:fitchî so Wikimedia|thumb|l' esplikêye ki vos vloz]]

Po les djins del djåspinreye, vocial li pådje då Djhan-Flipe

http://wa.wikipedia.org/wiki/Jean-Philippe_Legrand

(vos dvriz scrire li djoû ki vos avoz vnou å monde)

Li saminne qui vént dji séré è condjî. Dji pouré scrîre sol ivièr braezilyin (ha ha ha, audjourdu nos n'avans qui 27°, dji pinse qui dji va dawè dandji d'on paletot).

Tot rarivant å Marok

Dj' a ristî cwénze djoûs el Walonreye po l' etermint di m' mame. Li Bon Diu si åme !

Tot rarivant å Marok, dj' a rtrové l' waernu (tins tchôd ådla !) 42 °C. Lacobén k' ça n' a nén duré. Il avént ddja eduré çoula 4 djoûs å long.

Mins li pus grand sbarmint, c' est di n' pont vey di djindåres (jandârmes) ki scrotèt des cwårs ås camions et ås camionetes li long des voyes, a tchaeke "fås baraedje".

Gn a onk k' a fwait on clapant videyo des "abribeus" et des bribés (les cis ki dmandèt des pots d' vén et les cis ki les dnèt), et l' eberweter so l' novele waibe ås videyos. On voet les gableus ki tindèt leu bresse, sins ddja dmander les papîs d' l' oto, et stitchî docô les çanses dins leus potches.

Come cwè, li Daegntoele (Etrernete), ça vént kécfeye bén a pont.

Po Claude : dj' a recråxhî l' rtike so Côroe :

http://wa.wikipedia.org/wiki/C%C3%B4roe-l%27-Grand

On m' dimande del Walonreye :

"Fwait i bea avårla ?"

Dj' a respondou :

oyi, mins nozôtes, asteure, ci n' est nén do solea k' i nos fåt, c' est del plouve a tinzayeure...

po fé crexhe les dinrêyes ki vnèt d' esse semêyes (avou l' prumire plouve k' a ddja tårdjî d' 1 moes)

po-z aveur des grins a fåtchî e moes d' may...

po-z aveur do pwin a magnî l' anêye ki vént...

et n' nén-z - dveur ditrop impôrter do martchî eternåcionål, la k' il a radoblé...

... ôtmint, ci serè l' revolucion !!!

Dji scrijheu ddja e 1982 :

Gn a k' on l' tins l' tins long
Après ene boune loukêye
Et des ôtes k' ont
Do solea a bressêyes

Certains soupirent pour avoir de belles éclaircies
Pendant que d'autres ont du soleil tant et plus ("à brassées")

On m' ridmande :

C'est i li minme pattavå li payis ?

Dji radjoute co :

oyi, tos les djoûs, on a des cas d' vatches ki sont djus (al tere) pask' elle ont fwin...
[10:25:09] <Lucyin> les latons (son de blé) ont rhåssî di 100 %...
[10:25:25] <Lucyin> les pules di betråles di 60 %
[10:25:58] <Lucyin> Mins on paye todi l' laecea åzès cinsîs å minme pris !!!