http://wa.wikipedia.org/wiki/Fernand_Vannuffel
No langue, elle est si bele, et si, come nous, on l' inme,
C' est k' ele dit padlé nous çkè c' est l' keur del rejion.
Dins tos les cwins do monde, les mots n' sont nîn les minmes
On a chacun s' langâdje; nouzôtes, c' est no walon.
Doûci oubîn ayeur, a Mont come al Louviére,
A Binche come a Nameur, et dins tous les corons,
No langâdje tout rimpli des sinteurs dè no tere
Dira toudi fiérmint k' nos astons des Walons.
No langue, elle est si bele, eyet nos 'd astons fiérs.
N' pus l' pårler a ls infants ? - Mins a kè çkè ça chért ! -
Intrè l' anglès, l' arabe, toutes les langues etranjéres,
I a ene plaece pou no patwas? Vos n' dirèz nîn l' contrére.
Langâdje dè no rejion ! Fåt l' såver, no parlâdje,
Nos è chervi souvint, et l' fé counwate bîn lon.
Bistocons no patwas : c' est in fel eritâdje.
Et cand ça n' sroût k' pou ça, nos stons fiérs d' yesse Walons !
Mer 4 Juin - 15:03