Germaine Massart-Tilmant

Germaine Massart-Tilmant

Pinsêye di såjhon

Les måvas vints d’ såjhon
Schoynut
Les åbes e bwès.
Les moitès foyes toumnut
Come ene volêye di påwions

Des echepes di bouyård
Si cotoidnut
Et montnut
Avou les foumires
Des tchminêyes.

Les campagnes sont dseulêyes ;
Les moxhons sont moyas
Ou evoye ritrover l’ solea
Les såvaedjès åwes ripasnut :
Li vint frumjheye et shofele dins leus aiyes.
On grand vî ome tot seu
Aspoyî so s’ baston
Si dresse å lon
Et waite li såjhon
E sospirant.

Portant,
I sait bén ki tot rpoûsrè
Et ravicrè
Cwand l’ ivier serè houte.

Mins lu,
Ou serè-t i ?

Germaine Massart-Tilmant, divins « Li Såverdea » l° 258, octôbe 2008.

Si pådje sol Wikipedia e walon :

http://wa.wikipedia.org/wiki/Germaine_Tilmant

Saîsons

Lès gruseladjes* dès vias d’ maus’*
Ont disfouyeté
Lès fleûrs di nîve au maus’,
Mins lès barbaujes* d’èsté
Faîyenèt chuleter*
Li doûce tchanson dès blés.

Lès sauvadjes vints d’octôbe
Vinenèt rauyi
Lès mwatès fouyes dès-aubes,
Mins lès nîves, lès djaléyes
Faîyenèt djèrmer
Totes lès dinréyes*.

Lès pwin.nes dès pôvrès djins,
Leûs lârmes èt leûs maleûrs
Troveront-is d’mwin
Po r’lèver leû coradje
Et lès r’mète à daladje,
Li clé d’ nosse coeûr ?

Germaine MASSART-TILMANT (Ramiéye)

gruseladje, grêle qui hache
via d’ maus’, giboulée
chuleter, tinter, résonner
barbauje, léger nuage dinréyes, céréales