Poenne di tchesturlinne
Esteut la disk’ al fén do monde,
Vosse tchestea, k’ on vneut admirer
Mins vola, li tins d’ ene sigonde,
K’ endè va dvins les blames
Et k’ vos n’ poloz rén fé.
Tchesturlinne, vos avoz del poenne
Dji vs comprin cwand dji v’ voe plorer,
Tchesturlinne, c’ est l’ Beaté ki sonne
Et ki s’ racrole di må dvins tos çki vos pierdoz.
Resploe
Totes les ritchesses ki vs avîz wårdé
Metou e cresse, po lzès leyî viker
On ls a rhoukî el grande gayole do paradis,
La k’ elle åront del wate po doirmi.
Totes vos ritchesses, temoens do passé,
Toumèt-st e blesse, sins s’ poleur recrester
Å paradis, l’ åme des årtisses a l’ noer abit
Cåze do soûfe ki rtome so ses feus-d’-li.
Les cavalîs del tere di Mouze
Traze côps evoye, traze côps rivnous
Vos rapoirtîz d’ leus grandès coûsses
Des posqteures, des miroes, des tchandlés, des bijous
Ouy å matén, so l’ aiwe di Mouze,
N’ a-st on tchestea ki fwait des ombions.
Sol crestea, i finixh si coûsse
Padzo l’ cir kel rilouke come s’ i dmandreut pardon.
Å resploe
Cåzaedje : Georges Simonis ; Muzike & tchantaedje : Michel Azaïs ; plake « sechalekissaspasse » (c’ est cial ki ça s’ passe), pris del kiminålté Walonreye Brussele 2010 po l’ odiovizuwel.
Mar 18 Oct - 5:39