Miyin eyet Morice
http://wa.wikipedia.org/wiki/Miyin_eyet_Morice_%28live_d%27_im%C3%A5djes%29
Céquième quéte
Qui l' mononke fuche ô vilâdje
Ou al vile, i fôt yèsse sâdje,
Fôt yèsse onéte, né olvin,
Pou qui 1' mononke fuche contint.
Ô matin, on dit: « Bondjoû,
Qwè v'lèz? » an d'visant tout doûs.
Fôt lyi d'nér ç' qu'il-a dandjî:
S' gazète, si pupe, du papî.
Et s'il-astcheût pus d'in côp
Qui c'è-st-a s' dos qu'il-a mô,
Fôt qu'on fuche près' sins balzin
A l'aspalér djintimint,
Ou si fèl'mint, i s' mwéjit
D'ène pènéye qui l' fét stièrni,
I fôt dire: « A vote santé!
Et rajoutér : « Mèrci, co bé!
Ou, s'i r'vént 'ne miyète tôrdu,
On r'ssatche sès solérs tout crus,
On pwate si pilou, s' bonèt
Pou qu'i n' fuche né èdjalè.
Brèf a ça, on r'wéte toudis
A lyi fé tous sès pléjis.
Miyin, Môrice, nos-uch'tas,
Zèls, is n'ont né sogne di ça,
Is r'ssondj'nut a in guèdin
Pou mète li nonke dins l' pènin!
Mer 21 Déc - 14:00