Vocial on messaedje da Djôr Sfasie, ki dj' a priyî so cisse djåspinreye ci.
Bondjoû a vzôtes!
Vola, dispoy lontimp dji n'aveu pont dné d' segne di veye. Rivo-m'-cial!
Po dire li veur, dji so todi foirt prins. Dji m' saye di viker, la k' dji boute come ricepcionisse divins èn otel a Brussele, et toltimp studyî, å Noû-Lovin, li teyolodjeye. L'ovraedje et li scole eshonne ni m' leynut nén bråmint do timp po viker adlé.
Dji boute todi so ç' brevåre walon, mins doucetment. Les ratouraedjes mi pûdnut bråmint do timp, et dji n' sai bouter pus k' ene pitite eure totes les samwinnes.
Mins on soçon d' Djambe, ki scrit asteure si memwere di filozofeye so l' egalité des feumes avou les omes, m' a dné ene idêye po fé ene ôte sacwè divant di rexhe li brevåre. On live so l' omoparintaedje, ou minme so l' omoparintaedje crustin, e walon. Come ça, dit-st i, li walon mousrè dins l' [i]filozofeye et dins l' teyolodjeye; et co on poreut cåzer des novelès modes di vicåreye des djins todi e walon.
Tot tuzant, dji m' dis k' i fåt trover des noveas mots po ça. Didja dins l' timp les djins djåzént des «lepeuzes» et «ni bouk ni gade», la k' on pinséve seulmint a comint ki les ôtes cougnént. Asteure i fåt cåzer di comint k' i vicnut. Didja dji m' a toirtchî li cervele po trover on mot come «omoparintaedje», calké sol françwès "homoparentalité" et so l'inglès "gay-parenting". Po des ôtes mots, la, dji n' sai pår. Dji poreu prinde «gaiy» avou stindaedje di sinse (come "gai" å Kébek). Et l' ôte? «Lezbiene», calké sol françwès? U «gwinne» (fr "gouine")? Et comint on direut? Famile... omoparintresse? omoparinteuze? omoparintene? omoparintåle?
Kçvvb,
Djôr
Sam 26 Aoû - 7:12
