Lucien Mahin

Communiqué de presse :
Lucien Mahin, auteur en langue wallonne, dédicacera ses livres à la
foire de Bruxelles le vendredi 8 mars 2013 de 10 h. à 12 h. au stand
du livre luxembourgeois (n° 234, magasin 2).

Cet auteur édite aussi un site Internet :
http://aberteke.walon.org/

ainsi qu'une chaine wallonophone sur Youtube :
https://www.youtube.com/user/wlntv

et est très actif sur différents projets Wikipedia :
* encyclopédie en wallon, développée par Pablo Sarachaga
http://wa.wikipedia.org/wiki/Mwaisse_p%C3%A5dje
* Wiccionaire (dictionnaire multilingue en wallon, développé par lui-même)
http://wa.wiktionary.org/wiki/Mwaisse_p%C3%A5dje
* Wikimedia (publication de photos pour l'ensemble du projet Wikipedia)
http://commons.wikimedia.org/wiki/User:Lucyin

Merci pour votre intérêt (éventuel) pour la langue wallonne.

Merci po li rclame, Vaudeville ! On djoû, i fårè fé li rpoirtaedje k' on aveut dit (la ddja ene cope d' anêyes).

z'avoz dédjà dmander à l' z'émission "walons-nous" dissus l'RTBF ?

Oyi, dj' a ddja passé låvå la des ans et des razans. Dj' a rescontré Vetters la èn an å moes d' octôbe. S' i volèt fé ene sacwè, i m' savèt bén atôtchî.

Merci cwand minme.

Vos, såvadjès fleûrs

Le wallon ne mourra pas; il survivra dans sa littérature (Maurice Piron)
Vo nos la crås avou ça : Triste consolation ! (Lucien Mahin)

Vos, såvadjès fleûrs ki dj' coda:
Sinès, pavwès èt flaminètes;
Flanèyes, vos n' èstoz k' arèdjas;
Souwêyes, vos div'noz tote mannètes.

Walon, dins lès lîves k' on v' mèta,
Vos ravizez dipus k' ène miète
Ås såvadjès fleûrs ki dj' coda:
Sinès, pavwès èt flaminètes.

I v'lént k' po todi on v' wårdahe
Dins on wachê, mo prôpe èt nèt'.
Dji m' fote di v's-awè d'zo l' covra
La k' bintwèt, vos r'sonn'rîz håynèt'
Ås såvadjès fleûrs ki dj' coda.

Mwaisse modêye e rfondou (avou on ptit motlî) : http://rifondou.walon.org/lv/rimas-2012-2021.php#fleurs

Gn aveut on côp deus cuzéns ki vnént d' eriter di deus bokets d' tchamp, djusse inte leus måjhons vijhenes et l' campagne.
I s' resconternut, et taper ene divize:
- Ké novele a Lidje ?
- Ça m' va ! Et ti ?
- On l' fwait aler.
- Tén, dj' a stî al coperative ayir, et i dnèt des subzides po les cis ki vlèt fé do froumaedje di gade. Ça fwait k' dji m' a rashiou so les lisses po on ptit tropea d' vint biketes. Elle iront paxhe sol tiene djondant, et ça n' mi costêyrè ki l' amagnî do tchén-bessi ki lzès moennrè et ramoenner.
- Oyi mins nonna ! Mi, ersè, dj' a stî al soce di rbwezmint. Et dj' årè ene prume po rplanter m' tchamp d' olivîs. Si tes gades î pasnut l' åmatén ey al vesprêye, ele mi brostêyront tote mes djetes.
- Ti n' as k' a rnoncî a tes plans, et fé ôte tchoi !
- C' est ti ki doet candjî t' pordjet. Plante des canadas ås coines ou fwai on corti ås sprôtes.
- Nonfait ! C' est ti ki candjrè.
- A nonna, çoula, c' est t'-minme !
Et li ptite brete divni ene fele margaye, tantea ki les deus cuzéns rexhît les couteas d' botchî, et s' forsonnît sol pindant do tiene.
E minme tins, el veye, on-z apurdeut ki totes les prumes et subzides ås coperatives avént stî anixhilêyes, paski l' govierneu aveut poujhî dins l' caisse, et peter å diale ås zivercôfes avou s' poye.

Morålité : ratindans dmwin po transi et s' fé do mwais sonk po on måleur ki n' est nén co la. Ni fjhans nén come li tchén ki brait ddja divant l' côp d' baston. On serè motoit moirt divant.

Eplaidî ridisfondou dins "Singuliers" 1/2014